రియాద్: రియాద్ నగరానికి గ్లోబల్ యాక్టివ్ సిటీ (GAC) సర్టిఫికేషన్ లభించిందని రాయల్ కమిషన్ ఫర్ రియాద్ సిటీ (RCRC) ప్రకటించింది.ఈ హోదాను పొందిన మిడ్ ఈస్ట్ లో మొదటి నగరంగా రియాద్ నిలిచిందని తెలిపింది.అందరికీ ఆరోగ్యకరమైన జీవనశైలి, శారీరక శ్రమ మరియు సమాజ శ్రేయస్సును ప్రోత్సహించడానికి తమ ప్రయత్నాలకు గుర్తింపుగా ఇది లభించిందని RCRC CEO ఇంజనీర్ ఇబ్రహీం అల్-సుల్తాన్ ఒక ప్రకటనలో వెల్లడించారు.

 ఇది సౌదీ విజన్ 2030 లక్ష్యాలకు అనుగుణంగా నగరం అంతటా జీవన నాణ్యత సూచికలను మెరుగుపరచడంలో రియాద్ గణనీయమైన పురోగతి సాధించడానికి వీలు కల్పించిందని అన్నారు. ఈ సందర్భంగా సౌదీ స్పోర్ట్స్ ఫర్ ఆల్ ఫెడరేషన్ చేసిన కృషిని అల్-సుల్తాన్ ప్రశంసించారు.  ఈ అంతర్జాతీయ గుర్తింపును పొందడంలో వారి కృషి, సహాయం కీలక పాత్ర పోషించాయని అన్నారు.  

అంతర్జాతీయ ఒలింపిక్ కమిటీ (IOC) మద్దతుతో యాక్టివ్ వెల్-బీయింగ్ ఇనిషియేటివ్ కమ్యూనిటీలోని అన్ని విభాగాలలో శారీరక శ్రమను ప్రోత్సహించే లక్ష్యంతో ప్రమాణాలను అమలు చేసే నగరాలను గుర్తించి, వాటికి గ్లోబల్ యాక్టివ్ సిటీ సర్టిఫికేషన్‌ను ప్రదానం చేస్తారు.