మస్కట్: ఒమన్ లో రెస్క్యూ టీమ్ ఓ చిన్నారి ప్రాణాలను రక్షించింది. ముసందమ్ గవర్నరేట్‌లోని సివిల్ డిఫెన్స్ అండ్ అంబులెన్స్ అథారిటీ (CDAA) రెస్క్యూ బృందాలు, ఖసాబ్ విలాయత్‌లోని షైసా అనే తీరప్రాంత గ్రామంలో కాలుకు ఫ్రాక్చర్ అయిన ఒక చిన్నారికి, సమాచారం అందగానే అవసరవైన మెడికల్ అటెన్షన్ ను అందించింది. 

అయితే, ప్రతికూల వాతావరణ పరిస్థితుల కారణంగా, గాయపడిన చిన్నారిని మొదట ఒక పడవలో సముద్ర మార్గం ద్వారా తరలించారు.  ఆ తర్వాత అంబులెన్స్ ద్వారా ఆస్పత్రికి తరలించారు.  సంఘటనా స్థలంలోనే చిన్నారికి అత్యవసర వైద్య సహాయం అందించిన తర్వాత, మెరుగైన చికిత్స కోసం ఆ చిన్నారిని ఆసుపత్రికి తరలించినట్లు అథారిటీ తెలిపింది.