మస్కట్: అంతర్జాతీయ వికలాంగుల దినోత్సవాన్ని పురస్కరించుకుని విలేజ్ ఆఫ్ హ్యాపీనెస్ కార్నివాల్ మూడవ ఎడిషన్ మస్కట్‌లో ప్రారంభమైంది. రెండు రోజుల ఈ కార్యక్రమం ఒమన్ విజన్ 2040 ఫాలో-అప్ యూనిట్ అధిపతి డాక్టర్ ఖమిస్ బిన్ సైఫ్ అల్ జాబ్రీ ఆధ్వర్యంలో జరుగుతుంది. వికలాంగుల సాధికారతను మరియు విస్తృత శ్రేణి ఇంటరాక్టివ్ కార్యకలాపాల ద్వారా వారి ప్రతిభ  సామర్థ్యాలను హైలైట్ చేయడం లక్ష్యంగా పెట్టుకున్నారు. ఎంటర్ టైన్ మెంట్ , ఎడ్యుకేషన్ మరియు అవేర్ నెస్ కవర్ చేసేలా సమగ్ర వేదికగా ఈ కార్నివాల్ నిలుస్తుందని తెలిపారు.

ఈ కార్యక్రమం చిన్న మరియు మధ్య తరహా సంస్థలకు (SMEలు) మద్దతు ఇస్తుంది. వికలాంగులకు వారి ఉత్పత్తులను ప్రదర్శించడానికి మరియు విక్రయించడానికి అవకాశాలను అందించడం ద్వారా వారి ఆర్థిక సాధికారతను ప్రోత్సహిస్తుంది.  సుల్తానేట్ అంతటా వివిధ స్వచ్ఛంద సంఘాలు మరియు ప్రభుత్వ మరియు ప్రైవేట్ కేంద్రాల నుండి సుమారు 2,000 మంది వైకల్యం ఉన్న పిల్లలు ఈ కార్యక్రమంలో పాల్గొన్నారు. భారత్ తోపాటు ఇతర దేశాల స్కూల్స్ విద్యార్థులతో సహా ఒమన్‌లోని ప్రవాస కమ్యూనిటీల పిల్లలు కూడా ఈ కార్యక్రమంలో పాల్గొన్నారు.

ఇక కార్నివాల్‌లో రెండు రోజుల పాటు 30 కంటే ఎక్కువ విభిన్న కార్యకలాపాలు ఉన్నాయి. సైన్స్ ల్యాబ్, బోర్డ్ గేమ్‌లు, క్లాసిక్ కార్ రైడ్‌లు మరియు మ్యాజిక్ షోలు, హార్స్ రైడింగ్, ఫేస్ పెయింటింగ్, హెన్నా ఆర్ట్, సర్కస్ ప్రదర్శనలు మరియు కార్టూన్ పాత్రల ప్రదర్శనలు వంటివి ఉన్నాయని నిర్వాహకులు తెలిపారు.    

వైకల్యం అనేది ముగింపు కాదని, సమాజాలను సుసంపన్నం చేసే మానవ వైవిధ్యంలో అంతర్భాగమని ఒమన్‌లోని ప్రపంచ ఆరోగ్య సంస్థ (WHO) ప్రతినిధి డాక్టర్ జీన్ జబ్బౌర్ పేర్కొన్నారు.  జాతీయ విధానాల ద్వారా వికలాంగుల హక్కులను ముందుకు తీసుకెళ్లడంలో ఒమన్ పురోగతిని ఆయన ప్రశంసించారు.