డైలాగ్‌ కింగ్‌ సాయికుమార్‌ పుట్టినరోజు సందర్భంగా ఆయన నటించిన 'చుట్టాలబ్బాయి' చిత్ర బృందం ఓ వీడియోను విడుదల చేసింది. ఈ విషయాన్ని చిత్ర హీరో, సాయికుమార్‌ తనయుడు ఆది తన ఫేస్‌బుక్‌ ఖాతా ద్వారా తెలుపుతూ.. వీడియోను పంచుకున్నారు. 'నా రియల్‌ హీరోతో స్క్రీన్‌ పంచుకోవడం సంతోషంగా ఉంది, హ్యాపీ బర్త్‌డే నాన్న' అని పోస్ట్‌ చేశారు. ఈ చిత్రంలో నమిత ప్రమోద్‌ కథానాయకిగా నటించారు. వీరభద్రం చౌదరి దర్శకత్వం వహించిన ఈ చిత్రాన్ని ఎస్‌ఆర్‌టీ ఎంటర్‌టైన్‌మెంట్స్‌ పతాకంపై రామ్‌ తళ్లూరి నిర్మిస్తున్నారు. థమన్‌ ఈ చిత్రానికి సంగీతం సమకూర్చారు. త్వరలో 'చుట్టాలబ్బాయి' చిత్రం ప్రేక్షకుల ముందుకు రానుంది.