మస్కట్: అల్ దఖిలియా గవర్నరేట్‌లోని ఇజ్కి విలాయత్‌లో ఒక కంపెనీలో ప్రవాస కార్మికులను నియంత్రించడానికి ప్రత్యేక భద్రతా చర్యలు చేపట్టినట్టు అల్ దఖిలియా గవర్నరేట్ పోలీస్ కమాండ్ తెలిపింది. మస్కట్ గవర్నరేట్ పోలీస్ కమాండ్ మరియు ఇతర పోలీసు విభాగాల సహకారంతో భద్రతా చర్యలు తీసుకున్నట్లు పేర్కొంది. గ్రూపులోని కొందరు కొన్ని నివాస సౌకర్యాలు మరియు అనేక వాహనాలను లక్ష్యంగా చేసుకుని విధ్వంసక చర్యలకు పాల్పడటంతో పాటు, ఒక కార్మికుల బృందాన్ని వారి కార్యాలయాల్లోకి వెళ్లకుండా అడ్డుకుందని ఆరోపించారు. పరిస్థితిని అదుపులోకి తీసుకురావడం కోసం భద్రతా దళాలు ప్రత్యేక చర్యలు తీసుకున్నాయని వెల్లడించారు. విధ్వంసక చర్యలకు పాల్పడిన వ్యక్తులపై చట్టపరమైన చర్యలు చేపట్టినట్టు తెలిపారు.