దోహా: బని హజర్ ఇంటర్‌చేంజ్ వద్ద అల్ షహామా స్ట్రీట్ నుండి దుఖాన్ వైపు వచ్చే ట్రాఫిక్ కోసం మరియు ఖలీఫా స్ట్రీట్ నుండి అల్ షహామా స్ట్రీట్ వైపు వచ్చే ట్రాఫిక్ కోసం తాత్కాలికంగా మూసివేస్తున్నట్లు పబ్లిక్ వర్క్స్ అథారిటీ ప్రకటించింది. జనరల్ డైరెక్టరేట్ ఆఫ్ ట్రాఫిక్‌ సమన్వయంతో  జనవరి 9న శుక్రవారం తెల్లవారుజామున 2 గంటల నుండి ఉదయం 10 గంటల వరకు ప్రారంభమవుతుందని వెల్లడించారు.
మూసివేత సమయంలో దోహా నుండి ఖలీఫా స్ట్రీట్ మీదుగా బని హజర్ వైపు ప్రయాణించే వాహనదారులు న్యూ అల్ రేయాన్ స్ట్రీట్‌కు దారితీసే వంతెనను ఉపయోగించాలని, ఆపై అల్ షాఫీ ఇంటర్‌చేంజ్ వద్ద యు-టర్న్ తీసుకొని, ఆపై బని హజర్ ఇంటర్‌చేంజ్ అండర్‌పాస్‌ను ఉపయోగించాలని అధికారులు సూచించారు. అలాగే, అల్ షహామా స్ట్రీట్ నుండి దుఖాన్ వైపు ప్రయాణించే వాహనదారులు బని హాజర్ ఇంటర్‌చేంజ్ అండర్‌పాస్ గుండా కొనసాగాలని, ఆపై న్యూ అల్ రేయాన్ స్ట్రీట్‌లోని అల్ షాఫీ ఇంటర్‌చేంజ్‌ను ఉపయోగించి యు-టర్న్ తీసుకొని దుఖాన్ వైపు కొనసాగి తమ గమ్యస్థానాలకు చేరుకోవాలి.