కువైట్ః కువైట్ లో రాబోయే రెండు రోజులపాటు డస్టీ వీండ్స్ వీచే అవకాశం ఉందని మరియు అక్కడక్కడా చెదురుమదురు వర్షాలు కురిసే అవకాశం ఉందని వాతావరణ శాఖ అలెర్ట్ జారీ చేసింది. గాలులు గంటకు 60 కిలోమీటర్లకు పైగా వేగంతో వీస్తాయని తెలిపింది. ఈ పరిస్థితుల వల్ల ధూళి తుఫానులు ఏర్పడే అవకాశం ఉందని, కొన్ని ప్రాంతాల్లో విజిబిలిటీ తగ్గుతుందని పేర్కొంది. అలాగే, సముద్రపు అలలు ఆరు అడుగుల కంటే ఎక్కువగా ఎగిసిపడతాయని తెలిపింది. ఈ కాలంలో చెదురుమదురు వర్షాలు కురిసే అవకాశం కూడా ఉందని వెల్లడించింది.