రియాద్: సౌదీ అరేబియాలోని దక్షిణ అసీర్ ప్రాంతంలోని ఖమీస్ ముషైత్ వైపు ప్రయోగించిన బాలిస్టిక్ మిసైల్ ని అడ్డుకున్నట్లు సౌదీ అధికారులు తెలిపారు. ఉగ్రవాద హౌతీ మిలీషియా పౌర నివాస ప్రాంతాలను లక్ష్యంగా చేసుకుని ఈ మిసైల్ ని ప్రయోగించినట్లు అధికారులు వెల్లడించారు.

మిసైల్ ని అడ్డుకున్న అనంతరం దాని శకలాలు కిందపడటంతో ఖమీస్ ముషైత్ సివిల్ డిఫెన్స్ బృందాలు ఘటనాస్థలికి చేరుకుని సహాయక చర్యలు చేపట్టాయి. క్షిపణి శకలాలు పడటంతో పలు భవనాలు, వాహనాలకు స్వల్ప స్థాయిలో ఆస్తి నష్టం జరిగినట్లు సౌదీ జనరల్ డైరెక్టరేట్ ఆఫ్ సివిల్ డిఫెన్స్ వెల్లడించింది. ఘటన అనంతరం సంబంధిత అధికారులు అత్యవసర చర్యలు చేపట్టినట్లు సివిల్ డిఫెన్స్ అధికారులు తెలిపారు. ప్రజల భద్రతకు అవసరమైన చర్యలు కొనసాగుతున్నాయని పేర్కొన్నారు.