కువైట్: కువైట్ లో రాబోయే రెండు రోజుల్లో టెంపరేచర్స్ క్రమంగా పెరిగే అవకాశం ఉందని వాతావరణ శాస్త్రవేత్త ఇస్సా రమదాన్ తెలిపారు. లా నినా ప్రభావం కారణంగా ఈ సంవత్సరం తక్కువ వర్షపాతం నమోదయ్యే అవకాశం ఉందన్నారు. 

రాబోయే రోజుల్లో వాతావరణ పరిస్థితులలో వేగవంతమైన మార్పులు ఉంటాయని రమదాన్ అన్నారు. ముఖ్యంగా,  సోమవారం మరియు మంగళవారాల్లో ఉష్ణోగ్రతలు స్వల్పంగా పెరిగే అవకాశం ఉందన్నారు. ఇక బుధవారం నుండి ఉష్ణోగ్రతలలో గణనీయమైన తగ్గుదల ప్రారంభమవుతుందని, గురువారం నుంచి ఈ వీకెండ్ వరకు ఇదే ట్రెండ్ కొనసాగుతుందని ఆయన వివరించారు.