సంప్రదాయ పెరల్‌ డైవింగ్‌ ఈవెంట్‌ ఈ ఏడాది కూడా ఘనంగా ప్రారంభమైంది. కువైట్‌ సీ స్పోర్ట్స్‌ క్లబ్‌ (కెఎస్‌ఎస్‌సి) సల్మియా ఈ కార్యక్రమాన్ని నిర్వహిస్తోంది. 28వ దశా సెర్మనీ ప్రారంభానికి మినిస్టర్‌ ఆఫ్‌ ఇన్‌ఫర్మేషన్‌ అండ్‌ మినిస్టర్‌ ఆఫ్‌ స్టేట్‌ ఫర్‌ యూత్‌ ఎఫైర్స్‌ షేక్‌ సల్మాన్‌ సబా సలెమ్‌ అల్‌ హుమౌద్‌ అల్‌ సబా హాజరయ్యారు. 13 వుడెన్‌ షిప్స్‌, 193 స్కిప్పర్స్‌ మరియు సెయిలర్స్‌తో ఈ కార్యక్రమం ఘనంగా ప్రారంభమైంది. కువైట్‌ చరిత్రలో ఈ కార్యక్రమానికి ప్రత్యేకమైన స్థానం ఉంటుందనీ, ఈ సంవత్సరం 193 మంది యువకులు ఈ ఈవెంట్‌లో పాల్గొంటున్నారని సీ స్పోర్ట్స్‌ క్లబ్‌ జనరల్‌ ఫహాద్‌ అల్‌ ఫహాద్‌ చెప్పారు. 28 ఏళ్ళ క్రితం ప్రారంభమైన ఈ సంప్రదాయం అమిర్‌ షేక్‌ సబా అల్‌ అహ్మద్‌ అల్‌ జబెర్‌ అల్‌ సబా నేతృత్వంలో ప్రతి యేటా అంగరంగ వైభవంగా నిర్వహించబడుతోంది.