హైదరాబాద్: దోహా మ్యూజిక్ లవర్స్ సంస్థ, రిథమ్ రైజ్‌తో అనుబంధంగా భారతదేశంలోని వివిధ రాష్ట్రాల్లో గానం మరియు నృత్య పోటీలను నిర్వహించనున్నట్లు ప్రకటించింది. ఈ పోటీలు మొదటి దశలో ఆంధ్రప్రదేశ్ మరియు తెలంగాణ లోని దాదాపు 10 జిల్లాల్లో జరగనున్నాయి.

ఈ కార్యక్రమం ద్వారా ఎదుగుతున్న గాయకులు మరియు నర్తకులకు ఒక నమ్మదగిన, ప్రొఫెషనల్ వేదికను అందించడం లక్ష్యంగా పెట్టుకున్నారు. పోటీల్లో ఖతార్, అమెరికా మరియు యుకే నుంచి అంతర్జాతీయ న్యాయనిర్ణేతలు పాల్గొననున్నారు.

ఈ సందర్భంగా దోహా మ్యూజిక్ లవర్స్ అధ్యక్షులు సయ్యద్ రఫీ మాట్లాడుతూ, భారతదేశంలోని ప్రతిభావంతులైన యువ కళాకారులకు అంతర్జాతీయ ప్రమాణాల వేదికను అందించడమే ఈ పోటీల ఉద్దేశమని తెలిపారు.రిథమ్ రైజ్ పోటీలకు సంబంధించిన జిల్లా వారీ ఆడిషన్ వివరాలు త్వరలో ప్రకటించబడతాయి.

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)