ఖర్జూరం హల్వా
కావలిసినవి
ఖర్జూరాలు - రెండు కప్పులు
పాలు - రెండు కప్పులు
పంచదార - ఒకటిన్నర కప్పు
యాలకుల పొడి - ఒక స్పూను
జీడిపప్పులు - సరిపడా
నెయ్యి - రెండు టీస్పూన్లు
తయారీ విధానం
ముందుగా ఖర్జూరాలు గింజలు తీసి, పాలల్లో ఐదారు గంటలు నానబెట్టాలి. తర్వాత ఈ ఖర్జూరాలని మిక్సీలో వేసి మెత్తగా రుబ్బాలి. ఈ మిశ్రమంలో పంచదార కలిపి బాణలిలో నెయ్యి వేసి చిన్న మంట మీద కాసేపు ఉడికించాలి. మధ్య మధ్యలో నెయ్యి వేసి ఉండలు కట్టకుండా కలుపుకోవాలి. దానిలో యాలకులపొడి, జీడిపప్పు ముక్కలు వేసి దగ్గరగా అయ్యే వరకూ మంచి వాసన వచ్చేవరకూ బాగా వేయిస్తూ కలుపుతూ స్టవ్‌ ఆఫ్‌ చేసేసి, నెయ్యి రాసిన ఒక ప్లేట్‌లోకి ఈ మిశ్రమాన్ని తీసుకుని చల్లారే వరకూ ఆరనిచ్చి, ముక్కలుగా కోసుకోవాలి. అంతే నోరూరించే ఖర్జూరం హల్వా రెఢీ.