పాకిస్థాన్‌లోని ఓ ఆసుపత్రిలో హిందూ డాక్టర్‌ అనుమానాస్పద స్థితిలో మృతిచెందాడు. స్థానిక పోలీసులు తెలిపిన వివరాల ప్రకారం..కరాచీలోని ఓ ఆసుపత్రిలో పనిచేస్తున్న అనిల్‌కుమార్‌ శుక్రవారం ఉదయం సర్జరీ చేసేందుకు హాస్పిటల్‌లోని ఐసీయూకు వెళ్లారు. అయితే సర్జరీ వింగ్‌లో పనిచేసే సిబ్బంది ఎంతసేపు కొట్టినా ఐసీయూ డోర్‌ తీయకపోవడంతో తలుపు బద్దలుకొట్టారు. లోనికి వెళ్లి చూసేసరికి అనిల్‌ కుర్చీపై నిర్జీవంగా కన్పించాడు. దీంతో సిబ్బంది పోలీసులకు సమాచారమందించారు.