హీరో అడవి శేష్‌ తన తరువాతి చిత్రాన్ని ట్విట్టర్‌ వేదికగా ప్రకటించారు. తన కొత్త చిత్రానికి 'గూఢచారి' అని టైటిల్‌ పెట్టినట్లు తెలిపారు. 'శుభవార్త! నా కొత్త చిత్రం టైటిల్‌ 'గూఢచారి'. రాహుల్‌ పాకాల, శశికిరణ్‌ ఈ చిత్రానికి దర్శకత్వం వహిస్తున్నారు. అభిషేక్‌ పిక్చర్స్‌ ఈ చిత్రాన్ని నిర్మిస్తోంది' అని ట్వీట్‌ చేశారు. అడవి శేష్‌ కథానాయకుడిగా రవికాంత్‌ పేరూరు దర్శకత్వంలో ఇటీవల విడుదలైన 'క్షణం' చిత్రం మంచి విజయాన్ని అందుకుంది. క్రైం థ్రిల్లర్‌ నేపథ్యంలో సాగే ఈ చిత్రంలో అదాశర్మ కథానాయికగా నటించారు.