తిరుమల: తిరుమల శ్రీవారి సాలకట్ల తెప్పోత్సవాలు ఫిబ్రవరి 26 నుండి ప్రారంభం కానున్న నేపథ్యంలో, సోమవారం సాయంత్రం స్వామి పుష్కరిణిలో తెప్పల ట్రయల్ రన్ నిర్వహించారు. టీటీడీ అదనపు ఈవో సి.హెచ్.వెంకయ్య చౌదరి ఈ కార్యక్రమంలో పాల్గొని ఇంజినీరింగ్, విద్యుత్ అధికారులతో కలిసి తెప్పల సామర్థ్యాన్ని స్వయంగా పరిశీలించారు.

5 రోజుల ఉత్సవాల షెడ్యూల్:

ఈ ఏడాది తెప్పోత్సవాలు 5 రోజుల పాటు అత్యంత వైభవంగా జరగనున్నాయి.

• తొలిరోజు (ఫిబ్రవరి 26): శ్రీ సీత లక్ష్మణ ఆంజనేయ సమేత శ్రీరామచంద్రమూర్తి జలవిహారం (3 చుట్లు).
• రెండో రోజు (ఫిబ్రవరి 27): రుక్మిణీ సమేత శ్రీకృష్ణస్వామి వారి విహారం (3 చుట్లు).
• చివరి మూడు రోజులు (ఫిబ్రవరి 28 – మార్చి 2): శ్రీదేవి, భూదేవి సమేత మలయప్పస్వామి వారు భక్తులకు దర్శనమిస్తారు.
• 3వ రోజు: 3 చుట్లు.
• 4వ రోజు: 5 చుట్లు.
• 5వ రోజు (చివరి రోజు): 7 చుట్లు.                                                                                                                                                                                                                 

  రద్దయిన ఆర్జిత సేవలు: తెప్పోత్సవాల కారణంగా భక్తుల రద్దీని దృష్ట్యా టీటీడీ పలు సేవలను రద్దు చేసింది:

  ఫిబ్రవరి 26, 27: సహస్రదీపాలంకార సేవ రద్దు.
  ఫిబ్రవరి 28, మార్చి 01, 02: ఆర్జిత బ్రహ్మోత్సవం మరియు సహస్రదీపాలంకార సేవలు రద్దు చేయబడ్డాయి.