రియాద్ః  చెల్లుబాటు అయ్యే వర్క్ పర్మిట్ లేకుండా సౌదీ కాని ఉద్యోగిని నియమించుకుంటే యజమాని SR10,000 జరిమానాను ఎదుర్కొంటారు. ఇది కార్మిక చట్టం  నిబంధనల ప్రకారం ఉల్లంఘనలు మరియు జరిమానాల విభాగంలో అప్డేట్ చేసిన షెడ్యూల్ లో భాగమని మానవ వనరులు మరియు సామాజిక అభివృద్ధి మంత్రి ఇంజనీర్ అహ్మద్ అల్-రాజి తెలిపారు. ఈ మేరకు ఆయన ఉత్తర్వును జారీ చేశారు. ఈ సవరణలు పని వాతావరణాన్ని మెరుగుపరచడానికి, దాని స్థిరత్వాన్ని బలోపేతం చేయడానికి మరియు స్థిరమైన వృద్ధిని పెంపొందించడానికి మంత్రిత్వ శాఖ  నిరంతర నిబద్ధతను ప్రతిబింబిస్తాయని తెలిపారు.
సవరించిన షెడ్యూల్ ప్రకారం, కార్మిక చట్టంలోని ఆర్టికల్ 167ని ఉల్లంఘిస్తూ 15 సంవత్సరాల కంటే తక్కువ వయస్సు ఉన్న పిల్లలను నియమించడం తీవ్రమైన నేరంగా పరిగణించబడుతుంది. 50 లేదా అంతకంటే ఎక్కువ మంది కార్మికులను నియమించే కంపెనీలకు ఇటువంటి ఉల్లంఘనలకు SR2,000 వరకు జరిమానా విధించబడుతుంది. కార్మికుడి పాస్‌పోర్ట్ లేదా నివాస అనుమతి (ఇఖామా) కలిగి ఉన్న యజమానికి ప్రతి కార్మికుడికి SR3,000 జరిమానా విధించబడుతుంది. మొత్తం జరిమానా ప్రభావిత ఉద్యోగుల సంఖ్య ఆధారంగా లెక్కించబడుతుందని మంత్రిత్వశాఖ హెచ్చరించింది. కార్మిక చట్టంలోని 10వ అధ్యాయంలో నిర్దేశించిన విధంగా మైనర్ల ఉద్యోగాన్ని నియంత్రించే నిబంధనలను పాటించడంలో విఫలమైతే, మైనర్‌కు SR1,500 జరిమానా విధించబడుతుంది. అలాగే, కార్మిక ఒప్పందాలను డాక్యుమెంట్ చేయడంలో విఫలమైన యజమానులకు ప్రతి ఉద్యోగికి SR1,000 జరిమానా విధించబడుతుంది.
అవసరమైన విధంగా ప్రసూతి సెలవు మంజూరు చేయని యజమానులకు ప్రభావిత మహిళా ఉద్యోగికి SR1,000 జరిమానా విధించబడుతుంది. దీనితోఆపటు, 50 లేదా అంతకంటే ఎక్కువ మంది మహిళా కార్మికులను నియమించే సంస్థలు మహిళా ఉద్యోగులకు చెందిన 10 లేదా అంతకంటే ఎక్కువ మంది పిల్లలు ఉంటే పిల్లల సంరక్షణ సౌకర్యం లేదా నర్సరీకి అందించాలి. నిబంధనలు పాటించకపోతే  SR3,000 జరిమానా విధించబడుతుంది. ఉద్యోగి ఒప్పందాలను ఎలక్ట్రానిక్‌గా డాక్యుమెంట్ చేయడంలో విఫలమైతే ఒక్కో ఉద్యోగికి SR1,000 జరిమానా విధించనున్నారు.