రియాద్: సౌదీ ఫుడ్ అండ్ డ్రగ్ అథారిటీ (SFDA) ఆప్టామిల్ మరియు బెబెలాక్ బ్రాండ్‌ల ఇన్ఫాంట్ ఫార్ములా ఉత్పత్తుల గురించి హెచ్చరిక జారీ చేసింది.  బాసిల్లస్ సెరియస్ బ్యాక్టీరియా ద్వారా ఉత్పత్తి చేయబడిన సెరెయులైడ్ అనే పదార్ధంతో కలుషితం కావడం వల్ల శిశువుల ఆరోగ్యానికి ప్రమాదం ఏర్పడే అవకాశం ఉన్నందున వాటి తయారీ కంపెనీ నిర్దిష్ట బ్యాచ్ ల ఇన్ఫాంట్ ఫార్ములా ఉత్పత్తులను రికాల్ చేసింది.  దీంతో ముందుజాత్రత్త చర్యలో భాగంగా సౌదీ అరేబియాలో కూడా ఆయా ఉత్పత్తులను నిషేధిస్తున్నట్లు పేర్కొన్నది.

సెరియులైడ్‌కు గురికావడం వల్ల వికారం, తరచుగా వాంతులు మరియు కడుపు నొప్పి వంటి లక్షణాలు 30 నిమిషాల నుండి ఆరు గంటలలోపు సంభవించవచ్చని వివరించింది. ఈ లక్షణాలు సాధారణంగా స్వల్పకాలికంగా ఉంటాయని, సాధారణంగా 24 గంటల వరకు లక్షణాలు కనిపిస్తాయని పేర్కొన్నారు. ఆయా ఉత్పత్తులను ఉపయోగించవద్దని, వాటిని వెంటనే పారవేయాలని వినియోగదారులకు సూచించింది. ప్రభావిత బ్యాచ్‌లను మార్కెట్ నుండి ఉపసంహరించుకోవడానికి తయారీ కంపెనీతో సమన్వయం చేసుకున్నామని మరియు రీకాల్ అమలును నేరుగా పర్యవేక్షిస్తున్నామని SFDA ధృవీకరించింది.