యూఏఈ: ఎయిర్‌స్పేస్ మూసివేతల కారణంగా  ఎమిరేట్స్ మార్చి 1 వరకు దుబాయ్‌కు వచ్చే మరియు బయలుదేరే అన్ని కార్యకలాపాలను తాత్కాలికంగా నిలిపివేసింది. రాబోయే 72 గంటల్లో ప్రయాణించడానికి బుక్ చేసుకుంటే, ప్రత్యామ్నాయ విమానంలో రీబుక్ చేసుకోవాలని అధికారులు సూచించారు.

ప్రయాణ తేదీ నుండి 10 రోజుల వరకు మీరు వెళ్లాల్సిన గమ్యస్థానానికి మరొక విమానంలో రీబుక్ చేసుకోవచ్చని తెలిపారు. మీరు ట్రావెల్ ఏజెంట్‌తో మీ విమానాన్ని బుక్ చేసుకుంటే, వెంటనే వారిని సంప్రదించి మరిన్ని వివరాలను తెలుసుకోవాలని ఎమిరేట్స్ అధికారులు సూచించారు.

ఎమిరేట్స్ వద్ద నేరుగా బుక్ చేసుకుంటే, రీఫండ్ కోసం దరఖాస్తు చేయాలన్నారు. మీరు ట్రావెల్ ఏజెంట్‌ ద్వారా విమానాలను బుక్ చేసుకుంటే,  వారినే సంప్రదించాలని కోరారు.  విమానాశ్రయానికి వెళ్లే ముందు ఫ్లైట్ స్టేటస్ ను చెక్ చేయాలని కోరారు. విమాన రద్దుల వల్ల ప్రభావితమైన కస్టమర్‌లు రీబుకింగ్ కోసం వారి ట్రావెల్ ఏజెన్సీని సంప్రదించాలి. తాము పరిస్థితిని పర్యవేక్షిస్తున్నామని మరియు సంబంధిత అధికారులతో సమన్వయం చేసుకుంటున్నట్లు ఎమిరేట్స్ తెలిపింది. కస్టమర్లకు కలిగిన అసౌకర్యానికి క్షమాపణలు చెప్పింది. ప్రయాణీకులు మరియు సిబ్బంది భద్రత తమకు అత్యంత ప్రాధాన్యత అని పేర్కొన్నది.