దోహా: ఎయిర్ స్పేస్ మూసివేతతో చిక్కుకుపోయిన వారికి ఖతార్ ఊరటనిచ్చే నిర్ణయం తీసుకుంది.గడువు ముగిసిన లేదా గడువు ముగియబోతున్న అన్ని కేటగిరీల ఎంట్రీ వీసాలను ఒక నెల పాటు పొడిగించినట్లు ఖతార్ అంతర్గత వ్యవహారాల మంత్రిత్వ శాఖ ప్రకటించింది.  ఆమోదించబడిన ఎలక్ట్రానిక్ సిస్టమ్‌ల ద్వారా పొడిగింపు ఆటోమెటిక్ గా ప్రాసెస్ అవుతుందని తెలిపింది. అలాగే, దరఖాస్తు ఫీజులకు మినహాయింపు ఇచ్చినట్లు మంత్రిత్వ శాఖ వెల్లడించింది. అలాగే, ఫిబ్రవరి 28కి ముందు ఉల్లంఘనలకు గురైన అన్ని కేటగిరీల ఎంట్రీ వీసాలకు సంబంధించి, సంబంధిత వ్యక్తులు తప్పనిసరిగా హాజరుకావాలని సూచించింది.

>ప్రతి ఒక్కరూ ఇంటి లోపలే ఉండాలని, తప్పనిసరి సందర్భాల్లో మాత్రమే బయటకు రావాలని కోరింది. కిటికీలు మరియు బహిరంగ ప్రదేశాలకు దూరంగా ఉండాలని సూచించింది. ప్రజా భద్రతను కాపాడటానికి సమర్థ అధికారులు జారీ చేసిన అధికారిక సూచనలను పాటించాలని కోరింది.  ఏవైనా అప్డేట్ కోసం మంత్రిత్వ శాఖ అధికారిక సోషల్ మీడియా అకౌంట్లను ఫాలో కావాలని పిలుపునిచ్చింది.