మిడిల్ ఈస్ట్, ఒమన్లో CBSE పరీక్షలు రద్దు..!!
- March 06, 2026
మస్కట్: ప్రస్తుత ప్రాంతీయ పరిస్థితి కారణంగా సెంట్రల్ బోర్డ్ ఆఫ్ సెకండరీ ఎడ్యుకేషన్ (CBSE) పదో తరగతి బోర్డు పరీక్షలను రద్దు చేసింది. ఒమన్ మరియు ఇతర మధ్యప్రాచ్య దేశాలలోని పాఠశాలలకు XII తరగతి పరీక్షలను వాయిదా వేసింది. ఈ మేరకు మార్చి 5న సర్క్యులర్ జారీ చేసింది. మార్చి 7 నుండి మార్చి 11వరకు జరగాల్సిన అన్ని పదో తరగతి పరీక్షలను రద్దు చేస్తున్నట్లు బోర్డు తెలిపింది. గతంలో మార్చి 2, 5 మరియు 6 వ తేదీలలో వాయిదా వేసిన పరీక్షలను కూడా రద్దు చేసినట్లు బోర్డు తెలిపింది. మధ్యప్రాచ్యంలో పదవ తరగతి అభ్యర్థుల ఫలితాల ప్రకటన విధానాన్ని తరువాత తెలియజేస్తామని బోర్డు తెలిపింది.
అలాగే, XII తరగతికి సంబంధించి మార్చి 7న జరగాల్సిన పరీక్షను వాయిదా వేశారు. సవరించిన తేదీలను తరువాత ప్రకటిస్తామన్నారు. మార్చి 7న పరిస్థితిని సమీక్షించి, మార్చి 9 నుండి జరగనున్న పరీక్షలకు సంబంధించి తదుపరి ఆదేశాలు జారీ చేస్తామని CBSE తెలిపింది. ఈ సర్క్యులర్ బహ్రెయిన్, ఇరాన్, కువైట్, ఒమన్, ఖతార్, సౌదీ అరేబియా మరియు యూఏఈలోని CBSE అనుబంధ పాఠశాలలకు వర్తిస్తుందని తెలిపింది.
తాజా వార్తలు
- పిల్లలు, కార్మికులకు భరోసా ఇవ్వండి: కువైట్ అంతర్గత మంత్రిత్వ శాఖ విజ్ఞప్తి
- ఆన్లైన్లో మిస్ లీడ్ కంటెంట్ స్ప్రెడ్.. 194 మంది అరెస్టు..!!
- ఖతార్లోని అల్-ఉదీద్ వైమానిక స్థావరంపై డ్రోన్ దాడి..!!
- మనామాలో హోటళ్ళు, నివాస భవనానికి నష్టం..!!
- కువైట్లో చిక్కుకున్న ప్రయాణీకులతో టచ్ లో ఎంబసీ..!!
- మిడిల్ ఈస్ట్, ఒమన్లో CBSE పరీక్షలు రద్దు..!!
- అరబ్ దేశాలపై ఇరాన్ దాడులను ఖండించిన కౌన్సిల్..!!
- యూఏఈలో పరిమితంగా కమర్షియల్ ఫ్లైట్స్ ప్రారంభం..!!
- యూఏఈలోని ఇండియన్ సిలబస్ స్కూళ్లలో ఆన్లైన్లో ఎగ్జామ్స్..!!
- ప్రిన్స్ సుల్తాన్ ఎయిర్ బేస్ పై 3 మిస్సైళ్లతో దాడికి యత్నం..!!









