కువైట్: కువైట్ ప్రధానమంత్రి షేక్ అహ్మద్ అబ్దుల్లా అల్-అహ్మద్ అల్-సబా..ఆ దేశ జాతీయ జల నియంత్రణ కేంద్రాన్ని తనిఖీ చేశారు. జల నెట్‌వర్క్ కార్యకలాపాలను సమీక్షించారు. ప్రధానమంత్రితో పాటు విద్యుత్ మరియు నీటి నెట్‌వర్క్ మంత్రి డాక్టర్ సబా అబ్దులాజీజ్ అల్-ముఖైజిమ్ మరియు మంత్రిత్వ శాఖ అండర్ సెక్రటరీ డాక్టర్ అదెల్ మొహమ్మద్ అల్-జమిల్ ఉన్నారు.

తన పర్యటనలో భాగంగా జల వ్యవస్థ పనితీరును నిశితంగా పరిశీలించారు. వాటర్ నెట్‌వర్క్ పనితీరును పరిశీలించారు.అత్యవసర పరిస్థితులకు సమర్థవంతంగా స్పందించడానికి సాంకేతిక బృందాల సంసిద్ధతను అధికారులను అడిగి తెలుసుకున్నారు.  ఈ సందర్భంగా వర్కింగ్ టీముల అంకితభావాన్ని, కృషిని ప్రశంసించారు.  

దేశవ్యాప్తంగా అవసరమైన సేవలు మరియు మౌలిక సదుపాయాల స్థిరత్వాన్ని కొనసాగించడానికి నిరంతర అప్రమత్తత, సంసిద్ధత ప్రాముఖ్యతను ప్రధానమంత్రి తెలియజేశారు.