మనామా: ఇరాన్ దురాక్రమణ నేపథ్యంలో బహ్రెయిన్ కు నాటో కూటమి మద్దతుగా నిలిచింది. బహ్రెయిన్ రాజ్యానికి తన సంఘీభావం తెలుపుతూ నాటో సెక్రటరీ జనరల్ మార్క్ రుట్టే నుండి రాజు హమద్ బిన్ ఇసా అల్ ఖలీఫాకు మేసెజ్ పంపించారు. ఈ సందేశంలో..బహ్రెయిన్ భూభాగంపై ఇరాన్ చేస్తున్న నిరంతర మరియు ఆమోదయోగ్యం కాని దాడులను సెక్రటరీ జనరల్ ఖండించారు.

పౌరులు మరియు కీలకమైన మౌలిక సదుపాయాలను లక్ష్యంగా చేసుకుని ఇరాన్ చేస్తున్న విచక్షణారహిత దాడులను ఆయన తీవ్రంగా ఖండించారు.  ఇది నావిగేషన్ స్వేచ్ఛకు కూడా ముప్పు కలిగిస్తుందన్నారు. బహ్రెయిన్ మరియు నాటో మధ్య కొనసాగుతున్న భాగస్వామ్యాన్ని సెక్రటరీ జనరల్ ప్రశంసించారు. గల్ఫ్ ప్రాంతంలో స్థిరత్వాన్ని కొనసాగించడానికి మరియు ప్రపంచ శాంతిని ప్రోత్సహించడానికి ప్రతి ఒక్కరూ కృషి చేయాలని పిలుపునిచ్చారు.