యూఏఈ: అబుదాబిలోని ముస్సాఫా ఇండస్ట్రియల్‌ ప్రాంతంలో ఉన్న ఇండెక్స్ రెస్టారెంట్‌ను మూసివేయాలని అబుదాబి వ్యవసాయ మరియు ఆహార భద్రతా అథారిటీ ఉత్తర్వులు జారీ చేసింది.

అబుదాబి ఎమిరేట్‌లో ఆహార భద్రతపై 2008 నాటి చట్టం నంబర్ (2) మరియు దాని సంబంధిత నిబంధనలను ఉల్లంఘించిన కారణంగా ఈ రెస్టారెంట్ మూసివేసినట్లు అధికారులు తెలిపారు.  

వాణిజ్య లైసెన్స్ (CN-1759994) కలిగి ఉన్న ఈ సంస్థ ప్రజారోగ్యానికి తీవ్రమైన ప్రమాదాన్ని కలిగిస్తుందని అథారిటీ తెలిపింది.

ఈ సంస్థ పదే పదే ఆహార భద్రత ఉల్లంఘనలకు పాల్పడుతుందని, అధికారులు సూచించిన సేఫ్టీ చర్యలను అమలు చేయడంలో వైఫల్యం కారణంగా మూసివేత నిర్ణయం తీసుకున్నట్లు అథారిటీ స్పష్టం చేసింది. 

ఆహార భద్రత మరియు వినియోగదారుల ఆరోగ్యాన్ని కాపాడటానికి "తక్షణ జోక్యం" కింద ఈ చర్యలు తీసుకున్నట్లు తెలిపింది.   

--బాజీ షేక్(యూఏఈ)