గత నెలలో ప్రారంభమైన షేక్‌ జాయెద్‌ రోడ్‌ సౌత్‌ బౌండ్‌ కారణంగా వాహనదారులు చాలా ఊరట పొందినా, మరో క్లోజర్‌ కారణంగా వాహనదారులు ఇబ్బందులు పడే అవకాశం ఉంది. రోడ్స్‌ అండ్‌ ట్రాన్స్‌పోర్ట్‌ అథారిటీ ఆఫ్‌ దుబాయ్‌ (ఆర్‌టిఎ) ఈ క్లోజర్‌ ద్వారా డేరా, కరామా, బుర్‌ దుబాయ్‌ ప్రాంతాలకు వెళ్ళే వాహనదారులకు ఇబ్బందులు తప్పకపోవచ్చని వెళ్ళడించింది. షేక్‌ జాయెద్‌ రోడ్‌ ఎగ్జిట్‌ (ఉమర్‌ హురైర్‌ రోడ్‌ నుండి) ఆగస్ట్‌ 1నుంచి ఫిబ్రవరి 2017 వరకు మూసివేయబడ్తుంది. రోడ్డు అభివృద్ధిలో భాగంగానే ఈ చర్య తీసుకున్నట్లు ఆర్‌టిఎ వర్గాలు వెల్లడించాయి. రోడ్‌ క్లోజర్‌ నేపథ్యంలో వాహనదారులు సహకరించాలనీ, ప్రత్యామ్నాయ మార్గాలపై అవగాహన పెంచుకోవాలని ఆర్‌టిఏ విజ్ఞప్తి చేసింది.