దోహా: ఖతార్ వ్యాప్తంగా వాతావరణం అస్థిరంగా ఉంటుందని వాతావరణ శాఖ తెలిపింది. ఆకాశం మేఘావృతమై అక్కడక్కడ ఉరుములతో కూడిన వర్షం కురిసే అవకాశం ఉందని తాజా అప్డేట్ లో వెల్లడించింది.

బలమైన గాలులు, తక్కువ హారిజంటల్ విజిబిలిటీ ఉంటుందని వాహనదారులను హెచ్చరించింది.  అత్యవసరమైతే తప్ప బయటకు రావద్దని సూచించింది. వరదలు వచ్చే ప్రాంతాలకు దూరంగా ఉండాలని కోరింది. అధికారుల అప్డేట్ లను ఫాలో కావాలని సూచించింది.

తీరప్రాంతంలో ఆగ్నేయం నుండి ఈశాన్యం వైపు గాలి గంటకు 8-8 నాట్ల వేగంతో గాలి వీస్తుందని, ఇది గంటకు 40 నాట్ల వేగానికి పెరిగి ఈదురు గాలులతో కూడిన వర్షాలు కురిసే అవకాశం ఉందని తెలిపింది.  ఇక సముద్రపు అలల ఎత్తు 2-4 అడుగుల నుండి 5 అడుగుల వరకు పెరుగుతుందన్నారు.