యూఏఈః ఆఫ్ఘనిస్తాన్‌లో జైలు శిక్ష పడిన ఒక అమెరికన్ పౌరుడి విడుదల మరియు అతనిని అమెరికాకు అప్పగించే ఆపరేషన్‌కు యూఏఈ సారథ్యం వహించింది. ఈ కార్యక్రమానికి ఇరు దేశాల  ప్రతినిధులు హాజరయ్యారని యూఏఈ విదేశాంగ మంత్రిత్వ శాఖ (MoFA) ప్రకటించింది. తమపై విశ్వాసం, నమ్మకం ఉంచినందుకు అమెరికా మరియు ఆఫ్ఘనిస్తాన్‌లకు మంత్రిత్వ శాఖ కృతజ్ఞతలు తెలిపింది. ఇది అంతర్జాతీయ సహకారాన్ని పెంపొందించడానికి మరియు నిర్మాణాత్మక చర్చలకు సహాయక వాతావరణాన్ని అందించడాన్ని ప్రతిబింబిస్తుందని మంత్రిత్వ శాఖ పేర్కొంది. ఈ ప్రయత్నాలు ప్రాంతీయ మరియు ప్రపంచ స్థాయిలో భద్రత, స్థిరత్వాన్ని ప్రోత్సహించడంలో సహాయపడతాయని మంత్రిత్వ శాఖ ఆశాభావం వ్యక్తం చేసింది.