దుబాయ్: జెబెల్ అలీ పారిశ్రామిక ప్రాంతంలో సూపర్ బజార్ హైపర్‌మార్కెట్ ప్రారంభోత్సవం ఘనంగా జరిగింది. ప్రారంభోత్సవానికి దుబాయ్ నలుమూలల నుండి నివాసితులు, కార్మికులు, తెలుగు కుటుంబాలు భారీ సంఖ్యలో తరలివచ్చాయి. అలాగే, ఈ కార్యక్రమానికి యూఏఈ ఉన్నతాధికారులు సహా పలువురు ప్రముఖులు హాజరయ్యారు. ఈ ప్రాంతంలోని వేలాది మంది నివాసితులకు ఇది ఒక కీలకమైన షాపింగ్ గమ్యస్థానంగా మారనుందని వక్తలు అభిప్రాయపడ్డారు.

ముఖ్యంగా, తెలుగు కమ్యూనిటీకి చెందిన ప్రముఖులు పెద్ద సంఖ్యలో హాజరై, ప్రత్యేకంగా మద్దతు ప్రకటించారు.సందర్శకులతో మాల్ లో సందడి నెలకొన్నది. ప్రజల నుండి లభించిన భారీ స్పందన లభించడం పట్ల నిర్వాహకులు హర్షం వ్యక్తం చేశారు. కార్మికులు అధికంగా ఉండే పారిశ్రామిక ప్రాంతంలో వ్యూహాత్మకంగా ఏర్పాటు చేసిన ఈ హైపర్‌మార్కెట్‌లో సరసమైన ధరలకే అన్ని రకాల వస్తువులు అందుబాటులో ఉంటాయని వెల్లడించారు.జెబెల్ అలీ పారిశ్రామిక ప్రాంతంలో మరియు దాని చుట్టుపక్కల నివసిస్తున్న పెద్ద సంఖ్యలో తెలుగు వారికి అధిక ప్రయోజనం చేకూరుస్తుందని తెలిపారు.  

సూపర్ బజార్ హైపర్‌మార్కెట్ సూపర్ మాల్‌లో పనిచేస్తుంది.ఈ సూపర్ మాల్‌ను కూడా సూపర్‌జెట్ గ్రూప్ అన్ని వర్గాలకు ఒకేచోట అన్ని అవసరాలు తీర్చే గమ్యస్థానంగా అభివృద్ధి చేసింది. ఇది ఒక సమీకృత రిటైల్ మరియు సేవల కేంద్రంగా పనిచేయనుంది. ఈ మాల్‌లో కేఫ్, నగల దుకాణాలు, కిరాణా దుకాణాలు, హార్డ్‌వేర్ షాప్, రెస్టారెంట్, సెలూన్, ట్రావెల్ ఏజెన్సీ, ఫార్మసీ, క్లినిక్, ప్రభుత్వ సేవా కేంద్రం మరియు లైసెన్స్ పొందిన మనీ ఎక్స్ఛేంజ్ సర్వీస్‌తో సహా అనేక రకాల నిత్యావసర సౌకర్యాలు ఉన్నాయి.  

యూఏఈలోని తెలుగు కమ్యూనిటీతో అనుబంధం కలిగి ఉన్న చైర్మన్ మసియుద్దీన్ మహమ్మద్ (మసి)..సూపర్ బజార్ హైపర్‌మార్కెట్‌ను అందరికీ అందుబాటులో ఉండే మరియు విలువ ఆధారిత రిటైల్ గమ్యస్థానంగా తీర్చిదిద్దడంలో కీలక పాత్ర పోషించారు."ఇది కేవలం ఒక హైపర్‌మార్కెట్ మాత్రమే కాదు.ఇది దుబాయ్‌లోని కష్టపడి పనిచేసే సమాజానికి సేవ చేయాలనే మా నిబద్ధత. నాణ్యమైన ఉత్పత్తులను ప్రతి ఒక్కరికీ, ముఖ్యంగా ఈ నగరానికి వెన్నెముకగా నిలిచే వారికి, సరసమైన ధరలకు మరియు సులభంగా అందుబాటులో ఉంచడమే మా లక్ష్యం." అని పేర్కొన్నారు. జెబెల్ అలీ పారిశ్రామిక ప్రాంతంలోని 10వేల మందికి పైగా కార్మికులకు, అందులోనూ పెద్ద సంఖ్యలో ఉన్న తెలుగు కార్మికులకు సూపర్ మాల్ అతి త్వరగా ఒక ఇష్టమైన షాపింగ్ గమ్యస్థానంగా నిలదొక్కుకుంటుందని భావిస్తున్నట్లు తెలిపారు.