యూఏఈ: మిడిలీస్టు యుద్ధం నేపథ్యంలో ప్రపంచ స్టాక్ మార్కెట్ల పతనం కొనసాగుతుంది. అదే సమయంలో చమురు ధరలు పెరగడం ఆందోళన కలిగిస్తోంది. ఈ క్రమంలో ఏప్రిల్ నెలకు సంబంధించిన ఇంధన ధరలను యూఏఈ ప్రకటించింది.  

పెట్రోల్ మూడు రకాలు:  Super 98, Special 95 మరియు E-Plus. మార్చి నెలలో ఇంధన ధరలు స్వల్పంగా పెరిగాయి. తద్వారా గత రెండు నెలలుగా కొనసాగుతున్న తగ్గుదల ధోరణికి అడ్డుకట్ట పడింది. అంతర్జాతీయ ధరలకు అనుగుణంగా ఉండేలా, 2015లో యూఏఈ పెట్రోల్ ధరలపై నియంత్రణలను తొలగించి (deregulate) స్వేచ్ఛా విధానాన్ని అమలులోకి తెచ్చింది.

'Al Bayan' నివేదిక ప్రకారం, కింది జాబితాలో కొత్త ధరలు ఏప్రిల్ 1 నుండి అమలులోకి వస్తాయి. ఆ ధరల వివరాలు ఈ క్రింది విధంగా ఉన్నాయి:

Super 98 పెట్రోల్ ధర లీటరుకు Dh3.39గా ఉంటుంది. (మార్చిలో Dh2.59).

Special 95 పెట్రోల్ ధర లీటరుకు Dh3.28గా ఉంటుంది. (ప్రస్తుత ధర Dh2.48).

E-Plus 91 పెట్రోల్ ధర లీటరుకు Dh3.20గా ఉంటుంది. (గతనెల ధర Dh2.40).

డీజిల్ ధర లీటరుకు Dh4.69గా నిర్ణయించారు (ప్రస్తుత ధర Dh2.72).

ప్రాంతీయ సంఘర్షణలు మరియు US-Israel-Iran యుద్ధ పరిస్థితుల కారణంగా మార్చి నెలలోని మూడు వారాల పాటు ప్రపంచ చమురు ధరలు భారీగా పెరిగాయి. దీంతో ఏప్రిల్ నెలలో పెట్రోల్ ధరలు పెరుగుతాయని ముందుగానే అంచనాకు వచ్చారు. ప్రపంచ చమురు ధరలలో వచ్చిన ఈ ఆకస్మిక పెరుగుదల కారణంగా అనేక దేశాలు ఇప్పటికే తమ పెట్రోల్ ధరలను పెంచాయి. అమెరికా, ఇజ్రాయెల్ మరియు ఇరాన్‌ల మధ్య మధ్యప్రాచ్య సైనిక ఘర్షణ కారణంగా, 2026 మార్చి మొదటి మూడు వారాల్లో బ్రెంట్ సగటు ముగింపు ధర గత నెల 68.92 డాలర్లతో పోలిస్తే 92 డాలర్లకు పైగా చేరింది. ఫిబ్రవరి 28న అమెరికా, ఇజ్రాయెల్ దేశాలు ఇరాన్ నాయకత్వం మరియు సైనిక మౌలిక సదుపాయాలపై దాడులు చేయడంతో ఈ ఘర్షణ చెలరేగి, ధరలు మరింత పెరిగాయి.

యుద్ధం కారణంగా హోర్ముజ్ జలసంధిని షిప్స్ మరియు ఆయిల్ ట్యాంకర్ల రాకపోకలకు మూసివేయడంతో పరిస్థితి మరింత దిగజారింది. ప్రపంచ చమురులో సుమారు 20 శాతం ప్రతిరోజూ ఈ జలసంధి గుండానే వెళుతుంది. దీనికి తోడు, యుద్ధంలో పాల్గొంటున్న దేశాలు ఇరాన్ మరియు ఖతార్‌లోని ఇంధన మౌలిక సదుపాయాల ప్రాజెక్టులపై దాడి చేయడంతో, సరఫరాపై ఆందోళనలు మరింత పెరిగాయి.