2016 తొలి అర్థ భాగంలో దుబాయ్‌ కస్టమ్స్‌ ఇన్‌స్పెక్టర్స్‌ 95 సీజ్‌లను నమోదు చేశారు. అలా సీజ్‌ చేయబడిన ఫేక్‌ ప్రోడక్ట్స్‌ విలువ 38.4 మిలియన్‌ దిర్హామ్‌లుగా ప్రకటించారు అధికారులు. వాచ్‌లు, సన్‌గ్లాస్‌లు, ఎలక్ట్రానిక్‌, ఆటో స్పేర్‌ పార్ట్స్‌, టెక్స్‌టైల్స్‌, బ్యాగ్స్‌, ఫుట్‌వేర్‌ వంటివి సీజ్‌ చేయబడిన వాటిలో ఉన్నాయి. ఆరోగ్యపరమైన, పర్యావరణ పరమైన సమస్యల నుంచి ప్రజల్ని కాపాడేందుకు దుబాయ్‌ కస్టమ్స్‌ కట్టుబడి ఉందనీ, ఎట్టి పరిస్థితుల్లోనూ దేశంలోకి అక్రమ మార్గాల్లో ఫేక్‌ ఐటమ్స్‌ రానీయబోమని దుబాయ్‌ కస్టమ్స్‌ - పాలసీస్‌ అండ్‌ లెజిస్లేషన్‌ డివిజన్‌ ఎగ్జిక్యూటివ్‌ డైరెక్టర్‌ సయీద్‌ అల్‌ తాయెర్‌ చెప్పారు. ప్రభుత్వ వ్యవస్థలతోనే కాకుండా ప్రైవేటు వ్యవస్థలతో కూడా కలిసి దుబాయ్‌ కస్టమ్స్‌ ఇంకా సమర్థవతంగా వ్యవహరిస్తుందని ఆయన వివరించారు. ఇంకో వైపున దుబాయ్‌ కస్టమ్స్‌ పలు సేవా కార్యక్రమాల్లోనూ పాలుపంచుకుంటోంది. 2016 అంతర్జాతీయ చిల్డ్రన్స్‌ ఫిలిం ఫెస్టివల్‌కి నిర్వహణ పరంగా పార్టనర్స్‌గా వ్యవహరించింది.