రియాద్: వెబ్‌సైట్‌లు మరియు ఆన్‌లైన్ ప్లాట్‌ఫారమ్‌లు అందించే సేవలను పొందడానికి వ్యక్తిగత డేటా, డాక్యుమెంట్స్ మరియు బయోమెట్రిక్స్‌ను పంచుకునేటప్పుడు వాటి విశ్వసనీయతను ధృవీకరించుకోవాలని సౌదీ డేటా మరియు ఆర్టిఫిషియల్ ఇంటెలిజెన్స్ అథారిటీ (SDAIA) ప్రజలను కోరింది. అనధికారిక వెబ్‌సైట్‌లు లేదా ప్లాట్‌ఫారమ్‌లతో అటువంటి వ్యక్తిగత డేటాను పంచుకోవద్దని అథారిటీ హెచ్చరించింది.

వ్యక్తిగత గోప్యత మరియు వ్యక్తిగత డేటాను రక్షించుకోవడానికి, సోషల్ మీడియా నెట్‌వర్క్‌లు మరియు అప్లికేషన్‌లతో సహా విశ్వసనీయత లేని ఆన్‌లైన్ ప్లాట్‌ఫారమ్‌లు, వెబ్‌సైట్‌లతో జాగ్రత్తగా ఉండాలని హెచ్చరించింది.  ఏదైనా ఆన్‌లైన్ ప్లాట్‌ఫారమ్‌లు లేదా వెబ్‌సైట్‌లతో వ్యక్తిగత డేటా పంచుకుంటే.. మోసం, గుర్తింపు దొంగతనం మరియు నమ్మకం లేని ఆన్‌లైన్ ప్లాట్‌ఫారమ్‌లు లేదా వెబ్‌సైట్‌లను ఉపయోగించడంతో ముడిపడి ఉన్న ఇతర ప్రమాదాలకు గురికావచ్చని తెలిపింది.

ఏఐ సంవత్సరం 2026 సందర్భంగా వ్యక్తిగత డేటాను పరిరక్షించడం మరియు వ్యక్తిగత డేటా, డాక్యుమెంట్స్ లేదా బయోమెట్రిక్‌లను పంచుకునేటప్పుడు జాగ్రత్తలపై సమాజంలో అవగాహనను పెంచేందుకు SDAIA చేస్తున్న ప్రయత్నాలలో భాగంగా ఈ ప్రకటన జారీ చేసినట్లు వెల్లడించింది. 

సౌదీ డిజిటల్ పరివర్తన ప్రయాణానికి అనుగుణంగా వ్యక్తుల గోప్యతను మెరుగుపరిచే మరియు డిజిటల్ ప్రభుత్వ సేవలపై విశ్వాస స్థాయిని పెంచే ప్రత్యేక అవగాహన కంటెంట్‌ను అందించడం ద్వారా ప్లాట్‌ఫారమ్‌లు, వెబ్‌సైట్‌ల బాధ్యతాయుతమైన వినియోగ సంస్కృతిని నెలకొల్పడానికి ఇది దోహదపడుతుందని అథారిటీ వెల్లడించింది.