మస్కట్: ఒమన్ లో కనిపించకుండా పోయిన ప్రవాస బాలికను క్షేమంగా గుర్తించినట్లు రాయల్ ఒమన్ పోలీసులు (ROP) వెల్లడించారు.  ఈ కేసుకు సంబంధించి చట్టపరమైన ప్రక్రియలు ప్రస్తుతం పూర్తి చేస్తున్నట్లు తెలిపారు.

అంతకుముందు, విలాయత్ బౌషర్ పరిధిలోని అల్-ఘుబ్రా ప్రాంతంలో ఉన్న తన నివాసం నుండి బయటకు వెళ్లిన 15 ఏళ్ల షిరీన్ మహమూద్ షాబాన్ యాహ్యా తిరిగి రాలేదు. దీంతో బాలిక పేరెంట్స్ రాయల్ ఒమన్ పోలీసులను ఆశ్రయించారు. ఈ క్రమంలో తప్పిపోయిన బాలిక ఆచూకీని కనుగొనడంలో సహకరించాలని ప్రజలకు విజ్ఞప్తి చేశారు.