మస్కట్: మస్కట్ అంతర్జాతీయ విమానాశ్రయం నుండి విమాన కనెక్టివిటీ మళ్ళీ విస్తరిస్తోంది. ఈ ఏప్రిల్‌లో కీలక ప్రాంతీయ మార్గాలు పునఃప్రారంభమవుతున్నాయి. ఒమన్ ఎయిర్ ఏప్రిల్ 18నుండి ఖసాబ్‌కు డైరెక్ట్ విమానాలను తిరిగి ప్రారంభిస్తున్నట్లు ప్రకటించింది.  అలాగే, బహ్రెయిన్ మరియు దుబాయ్‌లకు కూడా సర్వీసులను పునఃప్రారంభిస్తున్నట్లు  వెల్లడించింది.

ఇదిలా ఉండగా, తక్కువ ధరల విమానయాన సంస్థ సలామ్ ఎయిర్.. షార్జాకు డైరెక్ట్ రోజువారీ విమానాలను పునఃప్రారంభించింది. ఈ సర్వీసు ఒమన్ మరియు యూఏఈ మధ్య ప్రయాణించే వారికి అందుబాటులో ఉంటుందని ఎయిర్‌లైన్ తెలిపింది. మస్కట్ నుండి పెరుగుతున్న ప్రయాణ డిమాండ్‌ను పురస్కరించుకొని ఈ మేరకు నిర్ణయం తీసుకున్నట్లు ఆయా విమానయాన సంస్థలు వెల్లడించాయి.