దోహా: అంటాల్యా దౌత్య ఫోరం (Antalya Diplomacy Forum) లో ఎమీర్ పాల్గొని ప్రసంగించారు. దౌత్య సంబంధాలను బలోపేతం చేయడంలోనూ, పరస్పర మానవ అవగాహనను పెంపొందించడంలోనూ  ఈ ఫోరం సమావేశాలు ఒక అర్థవంతమైన పాత్ర పోషిస్తుందని షేక్ తమీమ్ బిన్ హమద్ అల్-థానీ ఆశాభావం వ్యక్తం చేశారు. ఈ మేరకు ఫోరం విశేషాలను తన సోషల్ మీడియా ఎక్స్ హ్యాండిల్ లో వెల్లడించారు.ప్రాంతీయంగా పెరుగుతున్న ఉద్రిక్తతల కారణంగా ఏర్పడిన అనిశ్చితుల నేపథ్యంలో భవిష్యత్తును తీర్చిదిద్దడం  వంటి అంశాలపై ఈ ఫోరంలో చర్చలు కేంద్రీకృతమయ్యాయని ఆయన పేర్కొన్నారు.

ఈ సందర్భంగా తాను రెసెప్ తయ్యిప్ ఎర్డోగాన్‌తో పాటు, అనేక సోదర మరియు మిత్ర దేశాల అధినేతలను, ప్రభుత్వ ప్రముఖులను కలిసినట్లు ఆయన తెలిపారు. ఈ ఫోరం సంభాషణలను ముందుకు తీసుకెళ్లడంలోనూ, పరస్పర మానవ అవగాహనను మరింత గాఢతరం చేయడంలోనూ దోహదపడుతుందని ఎమీర్ ఆశాభావం వ్యక్తం చేశారు.