ఫ్రాన్స్‌ ఉత్తర ప్రాంతంలోని రోవన్‌ నగరంలోని ఓ బార్‌లో భారీ అగ్నిప్రమాదం సంభవించింది. ప్రమాదంలో 13 మంది మరణించినట్లు ఫ్రాన్స్‌ అంతర్గత శాఖ మంత్రి బెర్నార్డ్‌ కాజెనువే వెల్లడించారు. క్యూబా లిబ్రే బార్‌లో అర్థరాత్రి కొందరు యువత బర్త్‌డే పార్టీ చేసుకుంటుండగా మంటలు చెలరేగి ఘోర ప్రమాదం చోటుచేసుకుంది. అగ్నిమాపక సిబ్బంది వెంటనే రంగంలోకి దిగి మంటలను అదుపుచేశారు. కేక్‌పై పెట్టిన క్యాండిల్స్‌ ప్రమాదానికి కారణమై ఉండొచ్చని భావిస్తున్నారు. పూర్తి వివరాలు తెలియాల్సి ఉంది. ఘటనపై అధికారులు దర్యాప్తు చేపట్టారు. .