ఇరాన్, అమెరికా-ఇజ్రాయెల్ యుద్ధంపై రష్యా అధ్యక్షుడు వ్లాదిమిర్ పుతిన్ స్పందించారు. పశ్చిమాసియాలో శాంతి పునరుద్ధరణ కోసం తమవంతు కృషి చేస్తామని తెలిపారు. త్వరగా పరిస్థితులు సద్దుమణిగేలా చర్యలు తీసుకుంటామని చెప్పారు.

సెయింట్ పీటర్స్‌బర్గ్‌లో అబ్బాస్ అరాగ్చి తో సమావేశమైన పుతిన్, ప్రజలకు ఉపయోగపడే ప్రతిదీ చేస్తామని హామీ ఇచ్చారు. రష్యా-ఇరాన్ సంబంధాలు వ్యూహాత్మకంగా మరింత బలపడుతున్నాయని పేర్కొన్నారు.

పుతిన్‌తో సమావేశానికి ముందు అరాఘ్చీ మాట్లాడుతూ, చర్చలు విఫలం కావడానికి అమెరికానే కారణమని ఆరోపించారు. కాల్పుల విరమణ ఉన్నప్పటికీ, సమస్యకు పరిష్కారం దొరకకపోవడం పై అసంతృప్తి వ్యక్తం చేశారు.