కమర్షియల్‌ స్ట్రీట్స్‌, అలాగే జనసాంద్రత ఎక్కువగా ఉన్న ప్రాంతాల్లోనే ఎక్కువగా వాహనదారులు ట్రాఫిక్‌ నిబంధనల ఉల్లంఘనలకు పాల్పడుతున్నారు. వీటిల్లో ఎక్కువగా వాహనం నడుపుతూ మొబైల్‌ ఫోన్‌ ఉపయోగించడం, డ్రైవింగ్‌ చేస్తున్న సమయంలో సీట్‌ బెల్ట్‌ ధరించకపోవడం వంటివి చేస్తున్నారు వాహనదారులు. ఈ విషయాల్ని మినిస్ట్రీ ఆఫ్‌ ఇంటీరియర్‌, మీడియా అండ్‌ ట్రాఫిక్‌ అవేర్‌నెస్‌ డిపార్ట్‌మెంట్‌ అసిస్టెంట్‌ డైరెక్టర్‌ మేజర్‌ జబెర్‌ మొహమ్మద్‌ రషీద్‌ ఒదైబా వివరించారు. ఈ నేపథ్యంలో మరింత ఎక్కువగా ట్రాఫిక్‌ నిబంధనలపై అవగాహనా కార్యక్రమాల్ని చేపడ్తామని ఆయన అన్నారు. అవేర్‌నెస్‌ క్యాంపెయిన్‌లో ముఖ్య ఉద్దేశ్యం ప్రమాదాల్ని తగ్గించడమేనని ఆయన వెల్లడించారు. జులై 24న ప్రారంభించిన ఈ క్యాంపెయిన్‌ ఈ వేసవి అంతా కొనసాగనుంది. సీట్‌ బెల్ట్‌ వినియోగించకపోవడం వల్ల ఎక్కువమంది ప్రాణాలు కోల్పోతున్నారనీ, సీట్‌ బెల్ట్‌ వినియోగిస్తే ప్రమాదాలు జరిగినా చిన్న చిన్న గాయాలతో బయటపడవచ్చని అధికారులు సూచిస్తున్నారు.