సాధారణ వ్యక్తుల నుంచి సెలబ్రెటీలవరకు ఎలాంటి వారిపై అయినా తనదైన శైలిలో స్పందిస్తుంటారు సినీ దర్శకుడు రామ్‌గోపాల్‌ వర్మ. తాజాగా ఫ్రెండ్‌షిప్‌ డే గురించి ట్విట్టర్‌ద్వారా ఇలా స్పందించారు. ''నా శత్రువులందరికీ ఫ్రెండ్‌షిప్‌ డే శుభాకాంక్షలు. నన్ను ఇలాగే ద్వేషిస్తూ మీరంతా కలిసి ఉండాలని కోరుకుంటున్నా. చెప్పాలంటే శత్రువుల కంటే స్నేహితులే ఎక్కువ మోసంచేస్తుంటారు. కాబట్టి శత్రువుల కంటే స్నేహితులే చాలా డేంజరస్‌. స్నేహితుడితో వచ్చిన ఇబ్బందేంటంటే .. ఒకసారి సాయం చేస్తే మళ్లీ మళ్లీవస్తుంటాడు. ప్రతి ఒక్కరి జీవితంలో ఎక్కువగా స్నేహితులే శత్రువులవుతుంటారు. చాలా తక్కువ సందర్భాల్లో శత్రువులు స్నేహితులుగా మారతారు. అంటే స్నేహితుల కంటే శత్రువులే నిజాయతీపరులు.'' అని ఫ్రెండ్‌షిప్‌ డే గురించి తన స్టైల్‌లో చెప్పుకొచ్చారు వర్మ.