యూఏఈః రోజుకు 60 మిలియన్ ఇంపీరియల్ గ్యాలన్ల మంచినీటిని ఉత్పత్తి చేసే కొత్త డీశాలినేషన్ ప్లాంట్ ఫుజైరాలో రాబోతోంది. దీనికి ఒప్పందం ప్రకారం 60 MIGD (మిలియన్ ఇంపీరియల్ గ్యాలన్ల) శుద్ధి చేసిన నీటి ఉత్పత్తి సామర్థ్యంతో పాటు, 18 గంటలకు సరిపడా నిల్వ సామర్థ్యం కూడా ఉంటుంది. ఈ ప్లాంట్ ఒమన్ గల్ఫ్‌లోని ఫుజైరా పోర్ట్‌లో, కీలకమైన సముద్రం మరియు భూ మౌలిక సదుపాయాలకు అందుబాటులో ఉండేలా ఏర్పాటు చేయబడుతుంది.

ఎతిహాద్ వాటర్ అండ్ ఎలక్ట్రిసిటీ (EtihadWE) అభివృద్ధి మరియు పెట్టుబడి విభాగం, ఫుజైరా I ఇండిపెండెంట్ వాటర్ ప్రొడ్యూసర్ (IWP) ప్రాజెక్ట్ కోసం NMDC ఇన్ఫ్రా మరియు లాంటానియా అగ్వాస్‌లతో ఇంజనీరింగ్, ప్రొక్యూర్‌మెంట్ మరియు కన్‌స్ట్రక్షన్ (EPC) ఒప్పందంపై సంతకం చేసింది. దీని మొత్తం పెట్టుబడి విలువ Dh1.046 బిలియన్లు.
ఈ ప్రాజెక్ట్ సివిల్ పనులు, ప్రాసెస్ సిస్టమ్‌లు మరియు కమిషనింగ్‌తో సహా సుమారు 30 నెలల వ్యవధిలో పూర్తి చేయాలని నిర్దేశించారు.  ఈ ప్లాంట్ ఫుజైరాలో మరియు ఎతిహాద్‌ డబ్ల్యుఇ (EtihadWE) సర్వీస్ ప్రాంతాల వ్యాప్తంగా ఉన్న గృహాలు, వ్యాపారాలు, పరిశ్రమలు, ముఖ్యంగా అధిక డిమాండ్ ఉన్న సమయాల్లో మంచి నీటి సరఫరాను అందిస్తుంది.

అబుదాబిలో జరిగిన 'మేక్ ఇట్ ఇన్ ది ఎమిరేట్స్' ఎగ్జిబిషన్‌లో ఈ ఒప్పందానికి సంబంధించిన సంతకాల కార్యక్రమం జరిగింది. ఈ కార్యక్రమానికి ఎతిహాద్‌డబ్ల్యూఈ (EtihadWE) చీఫ్ ఎగ్జిక్యూటివ్ ఆఫీసర్ మరియు డెవలప్‌మెంట్ కంపెనీ చైర్మన్ అయిన ఇంజనీర్ యూసిఫ్ అహ్మద్ అల్ అలీ, ఎన్‌ఎమ్‌డిసి (NMDC) గ్రూప్ గ్రూప్ చీఫ్ ఎగ్జిక్యూటివ్ ఆఫీసర్ అయిన డాక్టర్ యాసర్ జగ్లూల్ హాజరయ్యారు.