కోల్కతా: పశ్చిమ బెంగాల్ ఎన్నికల ఫలితాల అనంతరం రాష్ట్ర రాజకీయాల్లో అనూహ్య పరిణామాలు చోటుచేసుకున్నాయి. ముఖ్యమంత్రి పదవికి రాజీనామా చేయడానికి మమతా బెనర్జీ నిరాకరించడం ఇప్పుడు చర్చనీయాంశంగా మారింది.

సాధారణంగా ఎన్నికల్లో ఓటమి పాలైన తర్వాత ముఖ్యమంత్రులు తమ పదవికి రాజీనామా చేయడం సంప్రదాయం. అయితే, మమతా బెనర్జీ మొండి వైఖరి వల్ల రాష్ట్రంలో ప్రతిష్టంభన ఏర్పడింది. రాజ్యాంగంలోని ఆర్టికల్ 164 ప్రకారం, నూతన ముఖ్యమంత్రిని నియమించే అధికారం గవర్నర్‌కు ఉంటుంది. ప్రజాతీర్పు ద్వారా అత్యధిక మెజారిటీ సాధించిన బీజేపీ రాష్ట్రంలో ప్రభుత్వాన్ని ఏర్పాటు చేసేందుకు సిద్ధంగా ఉంది.

ప్రస్తుత అసెంబ్లీ పదవీకాలం మే 7తో ముగియనుంది. రాజ్యాంగ నిబంధనల ప్రకారం, మే 8 నాటికి కొత్త ప్రభుత్వం కొలువుదీరాల్సి ఉంటుంది. ఈ లోపు మమతా బెనర్జీ తన నిర్ణయాన్ని మార్చుకుంటారా లేదా గవర్నర్ జోక్యం చేసుకుంటారా అనేది వేచి చూడాలి.