అంకారాః దౌత్య మరియు ప్రత్యేక పాస్‌పోర్ట్ కలిగిన వారికి వీసా నిబంధనల నుండి పరస్పర మినహాయింపు కల్పించేందుకు సౌదీ అరేబియా మరియు టర్కీయే అంగీకరించాయి. టర్కీ రాజధాని అంకారాలో జరిగిన సమావేశంలో సౌదీ విదేశాంగ మంత్రి ప్రిన్స్ ఫైసల్ బిన్ ఫర్హాన్ మరియు టర్కీ విదేశాంగ మంత్రి హకాన్ ఫిదాన్ ఈ ఒప్పందంపై సంతకం చేశారు.ఈ సమావేశంలో ఇరు దేశాలకు చెందిన మంత్రులు ద్వైపాక్షిక సంబంధాలను సమీక్షించారు. అలాగే, తాజా ప్రాంతీయ పరిణామాలపై చర్చించారు. మిడిలీస్టులో భద్రత, స్థిరత్వాన్ని కాపాడే మార్గాలపై చర్చించినట్లు అధికార వర్గాలు ఒక ప్రకటనలో తెలియజేశాయి.