రియాద్ః యునైటెడ్ అరబ్ ఎమిరేట్స్, ఖతార్, కువైట్‌ల భూభాగాలు మరియు జలాలను లక్ష్యంగా చేసుకుని జరిగిన ద్రోహపూరిత దాడులను సౌదీ అరేబియా  తీవ్రంగా ఖండించింది. ఈ మేరకు సౌదీ విదేశాంగ మంత్రిత్వ శాఖ ఒక ప్రకటన విడుదల చేసింది. గల్ఫ్ దేశాలు తమ భద్రత, స్థిరత్వాన్ని కాపాడుకోవడానికి తీసుకుంటున్న అన్ని చర్యలకు సౌదీ అరేబియా మద్దతు తెలిపింది.

"గల్ఫ్ దేశాల భూభాగాలు, జలాలపై జరుగుతున్న బరితెగించిన దాడులను, అలాగే హోర్ముజ్ జలసంధిని మూసివేసే లేదా అంతర్జాతీయ జలమార్గాలకు అంతరాయం కలిగించే ఎలాంటి ప్రయత్నాలనైనా తక్షణమే నిలిపివేయాలని సౌదీ పిలుపునిస్తుంది." అని ఆ ప్రకటన పేర్కొంది. సంబంధిత అంతర్జాతీయ చట్టాలకు అనుగుణంగా అంతర్జాతీయ సముద్ర మార్గాలకు రక్షణ కల్పించాలని పిలుపునిచ్చింది.