కొందరి కాళ్లు పొట్టిగా, చిన్నగా కనిపిస్తుంటాయి. ఇలాంటివారు ఆహార్యంలో కొన్ని మార్పులు చేసుకోవడం వల్ల కాళ్లు పెద్దగా కనిపించేలా చేయొచ్చు. అలాంటి సూచనలే ఇవి.
*
ఎత్తుమడమల చెప్పులు ఎవరినయినా పొడవుగా కనిపించేలా చేస్తాయి. దుస్తుల విషయానికి వస్తే క్రాప్‌టాప్‌లను ఎంచుకోవచ్చు. వాటికి జతగా హై వెయిస్టెడ్‌ బాటమ్‌లు ఎంచుకుంటే ఆహార్యానికి చక్కగా నప్పుతుంది. స్కర్టులు వేసుకునే వారయితే హై వెయిస్టెడ్‌ తరహావి ఎంచుకోవచ్చు. ఇవి నడుము భాగం నుంచీ పొడుగ్గా కనిపించేలా చేస్తాయి.
*
స్కర్టుల్లాంటివి వేసుకునేటప్పుడు న్యూడ్‌ షూలను ఎంచుకోవాలి. ఈ ప్రయత్నం కూడా కాళ్లను పొడుగ్గా కనిపించేలా చేస్తుంది. లేదా ప్యాంట్లూ, టైట్లకు తగినట్లుగా మ్యాచింగ్‌ బూట్లను ఎంచుకోవచ్చు.
*
దుస్తుల డిజైను విషయానికొస్తే.. నిలువుగీతలుండే తరహాకు ప్రాధాన్యం ఇవ్వాలి. ముఖ్యంగా ప్యాంట్లూ, పైజామాలు ఏవయినా సరే.. నిలువు గీతలుండే రకాలను ఎంచుకోవడం వల్ల కాళ్లు పొడుగ్గా కనిపిస్తాయి.
*
ప్యాంట్లు ఎంచుకునే ముందు అడుగున వెడల్పుగా ఉండేలా చూసుకోవాలి. అయితే వాటికి జతగా ఎత్తుమడమల చెప్పులు తప్పనిసరి