ప్రముఖ దర్శకుడు క్రిష్ వివాహం డాక్టర్ రమ్యసాయి తో హైదరాబాద్ గోల్కొండ రిసార్ట్స్ లో ఆదివారం రాత్రి ఘనంగా జరిగింది. మేళ తాళాలు, వేద మంత్రాల మధ్య రాత్రి 9 గంటల 5 నిముషాలకు జరిగిన ఈ పెళ్ళికి, సినీ, రాజకీయ దిగ్గజాలంతా హాజరై వధూవరులను ఆశీర్వదించారు.నా సినీ జీవితం గమ్యం తో మొదలైతే నా అసలు జీవితం రమ్యం గానే మొదలవుతోంది.. మీ ఆశీస్సులు కావాలంటూ క్రిష్ పంపిన ఆహ్వానాన్ని అందుకున్న తమిళ, హిందీ సినీ పరిశ్రమలకు చెందిన పలువురు ప్రముఖులు కూడా ఈ వెడ్డింగ్ కు హాజరయ్యారు. ప్రస్తుతం క్రిష్ బాలయ్య తో గౌతమీపుత్ర శాతకర్ణి చిత్రాన్ని చేస్తున్న సంగతి విదితమే.