యూఏఈః యూఏఈ మంత్రి లానా నుస్సేబే, హోర్ముజ్ జలసంధి మరియు అరేబియా గల్ఫ్‌లో నౌకలు, నావికులను లక్ష్యంగా చేసుకుని ఇరాన్ చేస్తున్న దాడులు, ముప్పులపై చర్చించడానికి అంతర్జాతీయ సముద్రయాన సంస్థ (ఐఎంఓ) సెక్రటరీ-జనరల్ ఆర్సెనియో డొమింగెజ్‌తో సమావేశమయ్యారు.హోర్ముజ్ లో చిక్కుకుపోయిన నావికులకు మానవతా సహాయం మరియు సురక్షిత మార్గాన్ని కల్పించడంలో, అలాగే ఉద్రిక్తతలను తగ్గించి నౌకాయాన స్వేచ్ఛను నిర్ధారించే దౌత్య ప్రయత్నాలకు మద్దతు ఇవ్వడంలో IMO సెక్రటరీ-జనరల్ పోషించిన కీలక పాత్రకు నుస్సేబే  ప్రశంసలు తెలియజేశారు.  

IMO ఆదేశానికి మరియు అంతర్జాతీయ చట్టానికి, ముఖ్యంగా నౌకాయాన స్వేచ్ఛకు, అలాగే హోర్ముజ్ జలసంధి గుండా రవాణా మార్గానికి యూఏఈ కట్టుబడి ఉందని నుస్సేబే చెప్పారు. ఈ నేపథ్యంలో, వాణిజ్య నౌకలను లక్ష్యంగా చేసుకోవడం మరియు హోర్ముజ్ జలసంధిని ఆర్థిక ఒత్తిడి లేదా బ్లాక్‌మెయిల్‌కు సాధనంగా ఉపయోగించడం సముద్రపు దొంగతన చర్యలని, ఇవి ఈ ప్రాంతం, దాని ప్రజలు మరియు ప్రపంచ ఇంధన భద్రతకు ప్రత్యక్ష ముప్పు అని లానా నుస్సేబే స్పష్టం చేశారు.

అంతర్జాతీయ సముద్ర వ్యవస్థను పరిరక్షించడానికి, నౌకాయాన భద్రతను నిర్ధారించడానికి జరుగుతున్న అంతర్జాతీయ ప్రయత్నాల గురించి ఐఎంఓలు పోషించగల పాత్ర గురించి ఇరుపక్షాలు చర్చించాయి.ప్రపంచ ఆర్థిక వ్యవస్థ సమర్థవంతంగా పనిచేయడానికి, జలసంధిలో పరిస్థితులు సాధారణ స్థితికి రావడం కీలకమని పేర్కొన్నారు. సముద్ర భద్రతకు మరియు నౌకాయాన స్వేచ్ఛకు ఉన్న ముప్పు ప్రాంతీయ, అంతర్జాతీయ స్థిరత్వాన్ని తీవ్రంగా దెబ్బతీస్తుందని, దీనిని తప్పనిసరిగా పరిష్కరించాలని విదేశాంగ మంత్రిత్వ శాఖ పిలుపునిచ్చింది.