దోహా: ఖతార్ లో ఫ్రీ, రాయితీ ప్రైవేట్ స్కూల్స్ సీట్ల సంఖ్య 8500 దాటింది.  "ప్రైవేట్ స్కూల్స్ మరియు కిండర్‌గార్టెన్‌ల సామాజిక బాధ్యత" (Community Responsibility of Private Schools and Kindergartens) అనే చొరవ కింద ఈ సీట్లు అందుబాటులో ఉన్నాయని విద్యా మరియు ఉన్నత విద్యా మంత్రిత్వ శాఖ ప్రకటించింది. ఖతార్‌లోని అర్హులైన కుటుంబాలకు నాణ్యమైన విద్యను గా అందించేందుకు ఈ స్కీమ్ దోహదం చేస్తుందన్నారు. 

అందుబాటులో ఉన్న సీట్ల కోసం ఇప్పటివరకు సుమారు 17,000 దరఖాస్తులు వచ్చాయన్నారు. అందుబాటు ఫీజులలో నాణ్యమైన విద్యను పొందాలని ఆశిస్తున్న కుటుంబాల నుండి డిమాండ్‌ అధికంగా ఉందన్నారు.  ఈ మేరకు మంత్రిత్వ శాఖలోని ప్రైవేట్ స్కూల్స్, కిండర్‌గార్టెన్‌ల విభాగం డైరెక్టర్ డాక్టర్ రానియా మహమ్మద్ తెలియజేశారు.      

పూర్తిగా ఉచిత సీట్ల కోసం దరఖాస్తు చేసుకునే కుటుంబాల వాస్తవ నెలవారీ ఆదాయం QR10,000 మించకూడదని, అయితే నెలకు QR15,000 వరకు సంపాదించే కుటుంబాలకు రాయితీ సీట్లు అందుబాటులో ఉంటాయని తెలిపారు.  విద్యా వోచర్ విలువ కలిగిన సీట్ల కోసం దరఖాస్తు చేసుకునేందుకు కుటుంబం ఆదాయం QR25,000 మించకూడదని అన్నారు. అర్హులైన వారు అధికారిక వెబ్‌సైట్ ద్వారా ఒక ఆన్‌లైన్ ద్వారా దరఖాస్తులను సమర్పించాలని సూచించారు.