దుబాయ్‌ పోలీసులు, 14 ఏళ్ళ బాలికను, ఆమె తల్లి నుంచి రక్షించారు. పదే పదే బాధితురాలికి తల్లి నుంచి వేధింపులు ఎదురవుతున్నాయని పోలీసులు వెల్లడించారు. అల్‌ క్వాసిస్‌ పోలీస్‌ స్టేషన్‌ చీఫ్‌ ఆఫ్‌ ది హ్యాపీనెస్‌ సెక్షన్‌ లిలా షామారాద్‌ మాట్లాడుతూ, తమ డిపార్ట్‌మెంట్‌ బాధితురాలి కష్టం గురించిన సమాచారం అందుకోగానే, వెంటనే డొమెస్టిక్‌ వైలెన్స్‌ కింద చర్యలు తీసుకున్నామని చెప్పారు. శారీరకంగా తన తల్లి తనను వేధిస్తోందనీ, టార్చర్‌ చేస్తోందని బాధితురాలు పోలీసులకు తెలిపింది. బాధితురాల్ని పోలీసులు ఫోరెన్సిక్‌ విభాగాకి అప్పగించారు. బాధితురాల్ని ఆమె తల్లి వేధించినట్లు గతంలోనూ అనేక ఫిర్యాదులు ఉన్నాయి. నిందితురాలైన తల్లికి ఓ కొడుకు ఉన్నాడనీ, అతన్ని మాత్రం ఆమె బాగా చూసుకుంటోందని పోలీసులు గుర్తించారు.