ఫుజైరా: ఈద్ అల్ అధా పర్వదినాన్ని పురస్కరించుకుని ఫుజైరా రూలర్, సుప్రీం కౌన్సిల్ సభ్యుడు హిజ్ హైనెస్ షేక్ హమద్ బిన్ మహమ్మద్ అల్ షర్కీ 104 మంది ఖైదీలకు క్షమాభిక్ష ప్రకటించారు. ఫుజైరాలోని శిక్షా, సంస్కరణ కేంద్రాల్లో ఉన్న ఖైదీలను విడుదల చేయాలని ఆయన ఆదేశించారు.

వివిధ దేశాలకు చెందిన ఈ ఖైదీలను వారి మంచి ప్రవర్తన, క్రమశిక్షణ ఆధారంగా ఎంపిక చేసినట్లు అధికారులు తెలిపారు. ఖైదీలు కొత్త జీవితాన్ని ప్రారంభించేందుకు అవకాశం కల్పించడం, వారి కుటుంబాల్లో ఆనందాన్ని నింపడం లక్ష్యంగా ఈ నిర్ణయం తీసుకున్నట్లు పేర్కొన్నారు.

ఫుజైరా పోలీస్ కమాండర్-ఇన్-చీఫ్ మేజర్ జనరల్ మహమ్మద్ అహ్మద్ బిన్ ఘనిమ్ అల్ కాబీ ఈ సందర్భంగా షేక్ హమద్‌కు కృతజ్ఞతలు తెలిపారు. విడుదలైన ఖైదీలు సమాజంలో సానుకూల పాత్ర పోషిస్తూ మంచి పౌరులుగా మారాలని ఆకాంక్షించారు.