కువైట్: జూన్ 1 నుండి మిడ్ డే డెలివరీలపై కువైట్ నిషేధం విధించింది. ఆగస్టు 31 వరకు కువైట్‌లోని అన్ని రహదారులపై ఉదయం 11:00 గంటల నుండి సాయంత్రం 4:00 గంటల వరకు డెలివరీ మోటార్‌సైకిళ్ల కార్యకలాపాలను నిషేధించినట్లు అంతర్గత వ్యవహారాల మంత్రిత్వ శాఖ, ట్రాఫిక్ మరియు కార్యకలాపాల వ్యవహారాల విభాగం ప్రకటించాయి.

తీవ్రమైన ఉష్ణోగ్రతలు మరియు కఠినమైన వాతావరణ పరిస్థితుల నుండి కార్మికులను రక్షించే లక్ష్యంతో ఈ నిర్ణయం తీసుకున్నట్లు తెలిపాయి.  మధ్యాహ్నం బహిరంగ ప్రదేశాలలో పని చేయడాన్ని నిషేధించే పబ్లిక్ అథారిటీ ఫర్ మ్యాన్‌పవర్ నిబంధనలకు అనుగుణంగా ఈ నిర్ణయం అమలు చేస్తున్నట్లు పేర్కొన్నాయి. చట్టాలను ఉల్లంఘించిన వారికి నోటీసులు జారీ చేయడంతో సహా కఠినమైన చట్టపరమైన చర్యలు తీసుకుంటామని అధికారులు హెచ్చరించారు.

కార్మికుల భద్రత నేపథ్యంలో తీసుకున్న ఈ నిర్ణయాన్ని కంపెనీలు మరియు వ్యాపార యజమానులు పూర్తిగా అమలు చేయాలని అధికారులు సూచించారు.