మస్కట్: ఒమన్ సుల్తానేట్ అంతటా వడగాలుల తీవ్రత పెరిగింది.  అత్యధిక ఉష్ణోగ్రత 49 డిగ్రీల సెల్సియస్ మార్కును దాటిన నేపథ్యంలో సివిల్ ఏవియేషన్ అథారిటీకి చెందిన వాతావరణ కేంద్రాల అధికారిక పర్యవేక్షణ నివేదిక ప్రకారం, బర్కా ప్రాంతంలో (Wilayat of Barka) గత 24 గంటల వ్యవధిలో అత్యధికంగా 49.1°C ఉష్ణోగ్రత నమోదైంది. ఇది దేశవ్యాప్తంగా నమోదైన అత్యధిక ఉష్ణోగ్రతగా నిలిచింది.

దేశంలోని ఇతర ప్రాంతాలలో కూడా తీవ్రమైన ఉష్ణోగ్రతలు నమోదవుతున్నాయి. అల్ సువైక్ ప్రాంతంలో అత్యధికంగా 48.8°C ఉష్ణోగ్రత నమోదు కాగా, ఆ తర్వాతి స్థానంలో వాడి అల్ మావిల్ (48.0°C) నిలిచింది.  అలాగే సహమ్ మరియు బిద్బిద్ ప్రాంతాలు రెండింటిలోనూ 47.9°C ఉష్ణోగ్రత నమోదైంది. తీరప్రాంతాలు మరియు అంతర్గత ప్రాంతాలలో కూడా తీవ్రమైన వాతావరణ పరిస్థితులు నెలకొన్నాయి. బావ్షర్లో 47.4°C, సూర్‌లో 47.3°C, అల్ అమెరాట్‌లో 47.2°C, అల్ రుస్తాక్‌లో 47.0°C, దిమా వా తాయీన్‌లో 46.9°C మరియు మస్కట్‌లో 46.7°C ఉష్ణోగ్రతలు నమోదయ్యాయి. ఈ క్రమంలో హీట్ వేవ్స్ నుంచి జాగ్రత్తగా ఉండాలని అథారిటీ పిలుపునిచ్చింది.