యూఏఈ: SCITRA తయారు చేసిన "గుడ్‌బై ఆల్ ఇన్‌సెక్ట్స్" రెండు ఉత్పత్తులను రీకాల్ చేయాలని యూఏఈకి చెందిన ఎమిరేట్స్ డ్రగ్ ఎస్టాబ్లిష్‌మెంట్ (EDE) ఆదేశించింది. రీకాల్ చేసిన ఉత్పత్తుల్లో "గుడ్‌బై ఆల్ ఇన్‌సెక్ట్స్ మాక్స్ కిల్స్ ఇన్ వన్ స్ప్రే" మరియు "గుడ్‌బై ఆల్ ఇన్‌సెక్ట్స్ స్ప్రే" ఉన్నాయి.

రీకాల్‌కు కారణమేమిటి?
EDE వద్ద నమోదు కాని ఉత్పత్తుల మార్కెటింగ్‌కు సంబంధించి నియంత్రణ మరియు సాంకేతిక ఉల్లంఘనలను అధికారులు గుర్తించిన తర్వాత  రీకాల్ ఉత్తర్వులు జారీ చేశారు. అంతేకాకుండా, రీకాల్ చేసిన ఉత్పత్తులలో ఒకదానిలో నిషేధిత పదార్థం ఉన్నట్లు గుర్తించారు. అలాగే, వాటిల్లో ఉపయోగించిన కెమికల్స్ అంతర్జాతీయ ప్రమాణాలకు అనుగుణంగా లేవని తేలింది.

ఏ చర్యలు తీసుకుంటున్నారు? 
యూఏఈ వ్యాప్తంగా ప్రభావిత ఉత్పత్తులను రిటైల్ అవుట్‌లెట్‌లు మరియు ఆన్‌లైన్ మార్కెట్‌ప్లేస్‌ల నుండి తొలగించడానికి ఈడీఈ (EDE) కృషి చేస్తోంది. ఈ ఉత్పత్తులను కొనుగోలు చేసిన వినియోగదారులు, వాటిని వెంటనే ఉపయోగించడం ఆపివేయాలని కోరింది.